Cando o
Banco Santander anunciou a fusión das tres marcas do Grupo, o Director
Financeiro da Entidade anunciou que “en
ningún caso el grupo se plantea realizar ERE’s”. Despois de 7 meses, estamos
negociando o Expediente de Despedimentos Colectivos que afecta en Galiza a 17 persoas (10 Santander e 7 Banesto).
As 12 da mañá do 3 de xullo de 2013, na Cidade Financeira en Boadilla
do Monte (Madrid), iniciouse o período de consultas para poñer en marcha o 1º
Expediente de Despedimento Colectivo do Banco Santander.
Un Expediente
Colectivo debería ter coma obxectivo facer viable unha empresa, pero este non é o caso: o Santander ten
beneficios e o persoal afectado son 286 persoas sobre un cadro de
persoal de 28.000. Por iso temos o convencemento de que estes despedimentos
só teñen como obxectivo amedrentar ao cadro de persoal, e os criterios de
selección responden a vendetas persoais.
Os asinantes facilitan os abusos e a persecución laboral.
O período de consultas ten coma obxectivo legal minimizar o impacto dos despedimentos. Dende a CIG propoñemos medidas alternativas
coma o reparto do traballo, o cumprimento dos horarios, unha correcta dotación
das oficinas, etc. Sabemos que o Banco non aceptará ningunha, o seu
obxectivo é outro.
Nota: Ao longo da reunión ao Banco Santander e
aos seus sindicatos, se lles encheu a boca falando da “voluntariedade” do
proceso. Aquí todo o mundo sabe como foron as cousas: son eles os que quedan en
evidencia e cuestionan a súa propia credibilidade.
Ningún comentario:
Publicar un comentario